ایران نے آبنائے ہرمز میں دو بحری جہازوں کو قبضے میں لے لیا ،

ایرانی بحریہ کے مطابق آبنائے ہرمز کے حفاظتی انتظامات کو خطرے میں ڈالنے پر ان جہازوں کو قبضے میں لے کر ایرانی ساحل کی جانب منتقل کر دیا گیا ہے۔

ایرانی میڈیا کے مطابق ایک بحری جہاز ایم ایس سی فرانسسکا اسرائیل کی ملکیت ہے جبکہ دوسرے جہاز پر پاناما کا جھنڈا لہرا رہا ہے۔

دوسری جانب بین الاقوامی ذرائع ابلاغ کے مطابق امریکا کی جانب سے بھی ایرانی بحری سرگرمیوں کے خلاف اقدامات کیے گئے ہیں، جس سے صورتحال مزید کشیدہ ہو گئی ہے۔

تجزیہ کاروں کے مطابق آبنائے ہرمز، جو عالمی تیل ترسیل کا ایک اہم راستہ ہے، میں اس نوعیت کے واقعات عالمی معیشت اور سیکیورٹی پر گہرے اثرات ڈال سکتے ہیں۔