THE PUBLIC POST
کراچی کے علاقے ڈیفنس میں ذوالفقار کمرشل پر سیکیورٹی گارڈ کی فائرنگ سے 10 سال کا پھول فروش بچہ زخمی ہو گیا۔
پولیس کے مطابق زخمی بچے کو اسپتال منتقل کر دیا گیا ہے، بچے کو سیکیورٹی گارڈ نے تلخ کلامی پر گولی ماری۔
بعد ازاں ملزم کو لوگوں نے تشدد کے بعد پولیس کے حوالے کر دیا۔
پولیس کا کہنا ہے کہ گرفتار سیکیورٹی گارڈ کو اسلحے سمیت تھانے منتقل کر دیا گیا ہے، گرفتار سیکیورٹی گارڈ کے مطابق بچہ اسے روز تنگ کرتا تھا۔
پولیس کے مطابق سیکیورٹی گارڈ کا کہنا ہے کہ گولی زمین پر چلائی تھی، زمین سے گولی اچھل کر بچے کو لگی۔
