THE PUBLIC POST
وزیرِ اطلاعات پنجاب عظمیٰ بخاری نے پیپلز پارٹی کے دھاندلی کے الزامات کو مسترد کر دیا۔
لاہور میں پریس کانفرنس کرتے ہوئے عظمیٰ بخاری نے کہا کہ کشمیر کے عوام نے ووٹ کے ذریعے فیصلہ سنایا اور مریم نواز کی پرفارمنس کو ترجیح دی۔
انہوں نے کہا کہ ایک جماعت کے ذہنی دباؤ میں اضافہ ہوتا جا رہا ہے، بلاول صاحب اپنی تقریر میں کسی کو فالو کرنے کی کوشش کر رہے تھے۔
صوبائی وزیر نے کہا کہ رائیونڈ کا نام لے کر اسے تضحیک کا نشانہ بناتے ہیں، اپنی 18 سال کی کارکردگی دکھا دیں، کراچی جیسے بڑے شہر کو کس کے رحم و کرم پر چھوڑ دیا؟
عظمیٰ بخاری نے کہا کہ مریم کا پنجاب اور بلاول کا سندھ دیکھ لیں، جو اپنے گھر کی سڑکیں نہ بنا سکے وہ کشمیر کی سڑکیں کیا بنائیں گے؟ پنجاب میں ایئر ایمبولینس ہے جبکہ سندھ میں سائیکل ایمبولینس چلا دی گئی ہے۔
انہوں نے یہ بھی کہا کہ مریم نواز سمجھتی ہیں کہ تمام بچوں کا حق ہے کہ ان کو لیپ ٹاپ اور اسکالر شپ ملے، جبکہ سندھ کے بچے تعلیم کے لیے احتجاج کر رہے ہیں۔
