عوام کیلئے خوشخبری، یوم آزادی پر چھٹیاں ہی چھٹیاں

کراچی: پاکستان کے 79 ویں یومِ آزادی کے پرمسرت موقع پر حکومت سندھ نے عام تعطیل کا باضابطہ اعلان کر دیا ہے جس کی وجہ سے صوبے کی عوام بیک وقت تین مسلسل چھٹیوں کی خوشیوں سے لطف اندوز ہو سکیں گے۔

سروسز، جنرل ایڈمنسٹریشن اینڈ کوآرڈینیشن ڈیپارٹمنٹ کی جانب سے جاری کردہ نوٹیفکیشن کے مطابق صوبے بھر میں آنے والے جمعہ یعنی 14 اگست 2026 کو عام تعطیل ہو گی۔

اس سرکاری چھٹی کا دائرہ کار سندھ حکومت کے انتظامی کنٹرول میں کام کرنے والے تمام سرکاری دفاتر، خودمختار اور نیم خودمختار اداروں، کارپوریشنز اور لوکل کونسلز پر یکساں طور پر لاگو ہو گا۔

محکمہ کی جانب سے جاری کردہ وضاحت میں یہ بھی کہا گیا ہے کہ وہ تمام محکمے اور ادارے جو ہنگامی اور ضروری نوعیت کی خدمات سرانجام دیتے ہیں اس چھٹی کے دائرے سے باہر ہوں گے اور ان کے ملازمین معمول کے مطابق اپنی ذمہ داریاں نبھاتے رہیں گے۔

14 اگست 2026 کو دن جمعہ ہے جس کے بعد ہفتہ اور اتوار کی معمول کی ہفتہ وار تعطیلات ہوں گی۔ اس طرح سندھ کے شہریوں کو مسلسل تین چھٹیوں کا موقع مل جائے گا جس سے وہ یوم آزادی کی تقریبات کے ساتھ ساتھ مختصر تفریحی یا خاندانی سرگرمیوں کا بھی منصوبہ بنا سکیں گے۔