THE PUBLIC POST
کراچی کے علاقے نارتھ ناظم آباد بلاک این میں پولیس مقابلے میں تین ڈاکو ہلاک ہوگئے۔
ایس ایس پی سینٹرل ڈاکٹر عمران کے مطابق ہلاک ڈاکو شہری سے لوٹ مار کر رہے تھے، شہری کے مزاحمت کرنے پر ڈاکوؤں نے گولی مار کر زخمی کردیا۔
پولیس کے بروقت پہنچنے پر ڈاکوؤں نے پولیس پر فائرنگ کردی، جوابی فائرنگ میں تینوں ڈاکو ہلاک ہوگئے۔
پولیس کے مطابق ہلاک ڈاکوؤں سے اسلحہ اور موٹر سائیکل برآمد کی گئی ہے۔
