THE PUBLIC POST
ایڈیشنل ڈسٹرکٹ اینڈ سیشن جج ساؤتھ نے سانحہ گل پلازہ کیس میں ملزمان کی عبوری ضمانت میں 3 اکتوبر تک توسیع کردی۔
ایڈیشنل ڈسٹرکٹ اینڈ سیشن جج ساؤتھ کی عدالت کے روبرو سانحہ گل پلازہ کیس میں ملزمان کی عبوری ضمانت کی سماعت ہوئی۔ ملزمان تنویر پاستا، رمضان، نعمت اللہ، امین عمار اور حذیفہ عدالت میں پیش ہوئے۔
وکیل صفائی نے مؤقف اختیار کیا کہ ملزمان باقاعدگی سے عدالت میں پیش ہورہے ہیں، لہٰذا ملزمان کی عبوری ضمانت کی توثیق کی جائے۔ سرکاری وکیل نے مؤقف اپنایا کہ مقدمے کا حتمی چالان ابھی منظور نہیں ہوا۔
تفتیشی افسر عامر ورک نے عدالت سے ملزمان کی ضمانت منسوخ کرنے کی استدعا کی۔ عدالت نے ملزمان کی عبوری ضمانت میں 3 اکتوبر تک توسیع کردی۔ پولیس کے مطابق سانحہ گل پلازہ میں 72 افراد جاں بحق ہوگئے تھے۔
