THE PUBLIC POST
کراچی میں پانی کے ٹینکر کی وجہ سے ایک اور شہری کی جان چلی گئی۔
ریسکیو ذرائع کے مطابق کورنگی سنگر چورنگی کے قریب واٹر ٹینکر نے موٹر سائیکل کو ٹکر مار دی جس کے نتیجے میں موٹر سائیکل سوار شخص جاں بحق اور 1 زخمی ہو گیا۔
متوفی کی لاش کو ضابطے کی کارروائی کے لیے اسپتال منتقل کر دیا گیا ہے۔
حادثے کے بعد مشتعل افراد نے واٹر ٹینکر کو آگ لگا دی۔
حادثے اور بعد ازاں اس پر عوام کی جانب سے کی گئی کارروائی کی وجہ سے سڑک پر ٹریفک کی روانی متاثر ہوئی تاہم کچھ دیر بعد اسے بحال کر دیا گیا۔
