کراچی،ہل پارک غیر قانونی تعمیرات کیس میں کے ایم سی ودیگر سے جواب طلب

کراچی: سندھ ہائیکورٹ نے ہل پارک میں پہاڑ کی کٹائی اور غیر قانونی تعمیرات سے متعلق جماعت اسلامی کے رکن سندھ اسمبلی محمد فاروق اور دیگر کی درخواستوں پر پی ای سی ایچ ایس سوسائٹی، کے ایم سی اور ڈائریکٹر پارک سے جواب طلب کرلیا۔

ہائیکورٹ میں ہل پارک میں پہاڑ کی کٹائی اور غیر قانونی تعمیرات سے متعلق جماعت اسلامی کے رکن سندھ اسمبلی محمد فاروق اور دیگر کی درخواستوں کی سماعت ہوئی۔

بلڈر نے عدالت سے تعمیرات کی اجازت کی استدعا کردی۔ جماعت اسلامی کے وکیل عثمان فاروق ایڈووکیٹ نے موقف دیا کہ درخواست زیر سماعت ہے۔

جماعت اسلامی کے وکیل نے کہا کہ عدالتی فیصلے تک تعمیرات کی اجازت نہیں دی جانی چاہیئے۔ پارک کی زمین پر غیر قانونی تعمیرات کی جارہی تھی۔ کے ایم سی نے بھی مذکورہ اراضی کو ہل پارک کا حصہ قرار دیا ہے۔

عدالت نے پی ای سی ایچ ایس، کے ایم سی سوسائٹی اور ڈائریکٹر پارک سے جواب طلب کرتے ہوئے سماعت 30 نومبر تک ملتوی کردی۔

Check Also

کراچی میں کار سوار نوجوان کے اغوا کا واقعہ، ملیر کینٹ کے قریب سے بازیاب

کراچی: کراچی کے علاقے واٹر پمپ چورنگی کے قریب کار سوار 24 سالہ نوجوان عبید …

Leave a Reply

Your email address will not be published. Required fields are marked *