اتنے کیچز تو لیجنڈز لیگ میں بھی نہیں چھوڑے جاتے؟عرفان پٹھان نے اپنی ہی ٹیم کو آڑے ہاتھوں لےلیا

پاکستان مخالف جذبات کا متعدد بار کھل کر اظہار کرنیوالے سابق بھارتی کرکٹر عرفان پٹھان اپنی ہی انڈین پریمئیر لیگ (آئی پی ایل) کا مذاق بنانے لگے۔

گزشتہ روز مہاراجہ یادوندرا سنگھ انٹرنیشنل کرکٹ اسٹیڈیم میں پنجاب کنگز اور چنائی سپر کنگز کی ٹیمیں مدمقابل تھیں، اس میچ میں بالی ووڈ ادکارہ پریتی زنٹا کی ٹیم نے فتح سمیٹی تھی تاہم میچ کے دوران 8 کیچز ڈراپ ہوئے تھے۔

چنائی سپر کنگز کو ناقص فیلڈنگ پر کڑی تنقید کا نشانہ بنایا گیا تھا جس کے باعث پنجاب کی ٹیم 200 سے زائد رنز کا ہدف دینے میں کامیاب ہوئی اور چنائی کو 18 رنز سے شکست کا منہ دیکھنا پڑا۔

مزید پڑھیں: آئی پی ایل؛ یشسوری جیسوال کو بھی “غیرملکی گرل فرینڈ” مل گئی

اس میچ کے دوران دونوں ٹیموں کے فیلڈرز نے متعدد مواقع پر آسان کیچز چھوڑے، جس پر شائقین اور کرکٹ ماہرین نے تنقید کی۔