THE PUBLIC POST
کامران ٹیسوری کی رافیل کے ماڈل کو آگ لگا کر چائے کی چسکیاں لیتے ویڈیو وائرل
گورنر سندھ کامران ٹیسوری نے بھارت کے خلاف فتح جشن مناتے ہوئے بھارتی طیارے رافیل کے ماڈل کو آگ لگا دی۔ ان مناطر کی ویڈیو سوشل میڈیا پر وائرل ہو رہی ہے۔
مختلف پلیٹ فارمز پر ایک ویڈیو وائرل ہو رہی ہے جس میں گورنر سندھ کامران ٹیسوری گورنر ہاؤس میں منعقدہ تقریب کے دوران رافیل طیارے کے ماڈل کو آگ لگاتے اور چائے پیتے دکھائی دے رہے ہیں۔
خیال رہے کہ بھارت کے ساتھ 22 اپریل سے 9 مئی تک ہونے والے معرکہ حق کی کامیابی پر گورنر ہاؤس کراچی میں حال ہی میں افواج پاکستان کے لیے یوم تشکر منایا گیا۔
اس تقریب میں ملی نغمے پیش کیے گئے اور شاندار آتش بازی کا مظاہرہ بھی کیا گیا۔
آج شام گورنر ہاؤس کراچی میں افواج پاکستان کے لیے یوم تشکر منایا جائے گا
اس موقع پر گورنر سندھ نے بھارتی وزیراعظم نریندر مودی کو مخاطب کرتے ہوئے کہا کہ مودی ہم تو جشن منارہے ہیں تمہارا ہاں صف ماتم کیوں ہے؟
انہوں نے مزید کہا کہ مودی ہم تو جنگ جیت کر آتشبازی کر رہے ہیں تمہارے ہاں اتنا سناٹا کیوں ہے؟
