ہائی بلڈ پریشر کے مریضوں کیلئے نئی دوا گیم چینجر قرار

ماہرین صحت نے ہائی بلڈ پریشر کے مریضوں کےلیے نئی دوا کو گیم چینجر قرار دیا ہے۔

معروف جریدے نیو انگلینڈ جرنل آف میڈیس کی رپورٹ کے مطابق ہائی بلڈ پریشر کے ایسے مریض جن پر موجودہ دوائیں اثر نہیں کررہی تھی، اُن پر نئی دوا کامیاب رہی ہے۔

بظاہر صحت مند افراد ہارٹ اٹیک، فالج کا شکار کیوں؟ سائنسدانوں نے پتا لگالیا

رپورٹ کے مطابق یہ دوا بیکس ڈرو اسٹیٹ کہلاتی ہے، جسے مشہور دوا ساز کمپنی ایسٹرا زینیکا نے تیار کیا ہے، جس کے نتائج میڈرڈ میں یورپین سوسائٹی آف کارڈیا لوجی کانفرنس میں پیش کیے گئے۔

رپورٹ کے مطابق دوا کو عالمی سطح پر ایک بڑے طبی مطالعے میں 796 مریضوں پر آزمایا گیا، جس کے بعد مریضوں کا بلڈ پریشر اوسطاً 9 تا 10 ملی میٹر تک کم ہوا ہے۔

تحقیق میں بتایا گیا کہ یہ کمی دل کے دورے، فالج اور گردوں کی بیماری کے خطرے کو نمایاں طور پر کم کرسکتی ہے، جس کے استعمال سے تقریباً 40 فیصد مریض صحت مند ہوئے ہیں۔