شہریوں کا حساس ڈیٹا فروخت کرنے والا ملزم گرفتار

National Cyber Crime Investigation Agency (این سی سی آئی اے) راولپنڈی کی ٹیم نے حساس شہری ڈیٹا غیرقانونی طور پر فروخت کرنے میں ملوث ایک ملزم کو گرفتار کر لیا ہے۔

حکام کے مطابق گرفتار ملزم کی شناخت بلال کے نام سے ہوئی ہے، جو NADRA کے ریکارڈ، لوکیشن ڈیٹا، سی ڈی آر، فیملی ٹری، جعلی سمز، آئی ایم ای آئی اسکینز اور سمز کے اصل مالکان کی معلومات فروخت کرنے میں ملوث تھا۔

ترجمان کے مطابق اس معاملے پر این سی سی آئی اے میں پہلے سے انکوائری جاری تھی۔ خفیہ اطلاع پر کارروائی کرتے ہوئے ٹیم نے Rawalpindi کے ایک میٹرو اسٹیشن پر چھاپہ مار کر ملزم کو گرفتار کیا اور اس کے قبضے سے موبائل فون اور متعدد سمز برآمد کر لیں۔

این سی سی آئی اے کے مطابق ملزم کے موبائل فون کے تکنیکی تجزیے سے بھی الزامات کی تصدیق ہوئی، جس کے بعد اسے باقاعدہ طور پر حراست میں لے لیا گیا۔ ابتدائی تفتیش سے معلوم ہوا ہے کہ ملزم WhatsApp اور Facebook کے ذریعے حساس معلومات فروخت کرتا تھا۔

حکام کا کہنا ہے کہ ملزم کے خلاف Prevention of Electronic Crimes Act سمیت دیگر متعلقہ دفعات کے تحت مقدمہ درج کر کے مزید تفتیش کا آغاز کر دیا گیا ہے۔