THE PUBLIC POST
ایف آئی اے کے نیشنل سینٹرل بیورو (انٹرپول) نے بین الاقوامی کارروائی کے دوران قتل کے مقدمات میں مطلوب دو اشتہاری ملزمان کو متحدہ عرب امارات سے گرفتار کر لیا۔
ترجمان کے مطابق گرفتار افراد میں فرحان عباس اور حیدر علی شامل ہیں، جنہیں ابوظبی سے حراست میں لے کر لاہور ایئرپورٹ منتقل کیا گیا۔
حکام کا کہنا ہے کہ ملزمان کے خلاف قتل کے مقدمات گوجرانوالہ اور منڈی بہاءالدین میں درج تھے، جبکہ ان کی گرفتاری کے لیے انٹرپول کے ذریعے ریڈ نوٹسز بھی جاری کیے گئے تھے۔
مزید بتایا گیا ہے کہ ملزمان کو وطن واپسی پر ایف آئی اے امیگریشن حکام نے پنجاب پولیس کے حوالے کر دیا، جہاں ان کے خلاف مزید قانونی کارروائی عمل میں لائی جائے گی۔
