THE PUBLIC POST
کراچی کے علاقے ڈفینس راحت پارک کے قریب فوڈ ڈیلیوری رائیڈر کو ٹکر مار کر فرار ہونے والا مفرور کار ڈرائیور پولیس نے گرفتار کرلیا ہے۔
ایس ایس پی ساؤتھ انویسٹیگیشن توحید رحمان کے مطابق واقعہ 10 مئی کو پیش آیا تھا، جب تیز رفتاری کے باعث کار ڈرائیور اپنی گاڑی کو قابو نہ رکھ سکا اور فوڈ ڈیلیوری کمپنی کے رائیڈر ذیشان کو ٹکر مار دی۔ حادثے کے نتیجے میں رائیڈر موقع پر ہی جاں بحق ہوگیا، جبکہ ملزم کار سمیت موقع سے فرار ہوگیا تھا۔
پولیس کے مطابق واقعے کا مقدمہ اسی روز تھانہ گزری میں درج کیا گیا تھا۔ بعد ازاں تفتیش کے دوران مفرور ملزم کو گرفتار کرلیا گیا ہے۔
حکام کا کہنا ہے کہ ملزم کے زیر استعمال گاڑی بھی برآمد کرکے گزری تھانے منتقل کردی گئی ہے، جبکہ اس کے خلاف مزید قانونی کارروائی جاری ہے۔
