کراچی میں محکمہ موسمیات کی پیشگوئی آئندہ 3روز ہلکی سے درمیانی درجے کی بارش کا امکان

کراچی:

شہر قائد میں 3 روز کے دوران بوندا باندی یا ہلکی بارش کا امکان ہے جبکہ موسم زیادہ تر ابر آلود اور مرطوب رہنے کی توقع ہے۔

محکمہ موسمیات کے مطابق صوبے کے بیشتر علاقوں میں مون سون کا سلسلہ وقفے وقفے سے جاری ہے۔

آئندہ تین روز کے دوران جیکب آباد، کشمور، گھوٹکی، قمبر شہداد کوٹ، سکھر، لاڑکانہ، تھرپارکر اور عمرکوٹ کے اضلاع میں گرج چمک کے ساتھ چند درمیانے درجے کی موسلادھار بارش کا امکان ہے۔

https://cdn.iframe.ly/api/iframe?url=https%3A%2F%2Fcdn.jwplayer.com%2Fplayers%2FxxomFWzs-jBGrqoj9.html&key=73b4a3e6895a3640b0439dc45f68e4f8

اسکے علاوہ، ٹھٹھہ، سجاول، بدین، جامشورو ڈویژن اور کراچی میں چند مقامات پر بوندا باندی ہو سکتی ہے۔

ترجمان محکمہ موسمیات کا کہنا ہے کہ کراچی میں اگلے 3 روز کے دوران گرج چمک کے ساتھ تیز بارشوں کا کوئی امکان نہیں ہے۔

چیف میٹرولوجسٹ کراچی امیرحیدر لغاری کے مطابق 17 جولائی سے 19 جولائی کے دوران نیا مغربی سلسلہ کراچی میں ہلکی و درمیانی بارشوں کا سبب بن سکتا ہے۔