ساحل پولیس کی بروقت کارروائی گھریلو ملازم گرفتار

کراچی (پبلک پوسٹ)ساحل پولیس کی بروقت کارروائی گھریلو ملازم گرفتار، کروڑوں روپے مالیت کی چوری کا انکشاف، سونا اور نقد رقم برآمد

تھانہ ساحل پولیس نے مدعیہ کی شکایت پر فوری کارروائی کرتے ہوئے اُن کے گھر میں بطور ملازم تعینات واجد علی ولد محمد صدیق کو گرفتار کر لیا۔

مسمات بالا کی شکایت پر تھانہ ساحل میں مقدمہ درج کر کے پولیس نے ملزم کو گرفتار کیا۔

ملزم گزشتہ آٹھ (08) سال سے مدعیہ کے گھر میں کام کر رہا تھا۔

ابتدائی تفتیش کے دوران ملزم نے اپنے جرم کا اعتراف کرتے ہوئے بتایا کہ وہ گزشتہ کئی سالوں سے گھر سے رقم اور قیمتی سامان چوری کرتا آ رہا ہے۔

ملزم طویل عرصے سے وقتاً فوقتاً گھر کی الماری سے نقد رقم، سونا، ڈالر اور دیگر قیمتی اشیاء چوری کرتا رہا،

ملزم نے ATM اور چیک بُک کے ذریعے بھی بھاری رقوم منتقل کیں، جن کی مجموعی مالیت کروڑوں روپے بنتی ہے۔

مزید انکشاف پر ملزم کی نشاندہی پر کروڑوں روپے مالیت کا سونا اور نقد رقم برآمد کی گئی۔

برآمد شدہ سامان کی تفصیل :02 عدد سونے کے بسکٹ (5/5 تولہ)02 عدد سونے کے بسکٹ (2/2 تولہ)07 عدد سونے کے بسکٹ (1/1 تولہ)نقد رقم 2 لاکھ 27 ہزار روپے

مزید انکشاف کے دوران ملزم نے بتایا کہ چوری کی گئی رقم سے لاکھوں روپے مالیت کی جائیداد اور گاڑیاں خریدی ہیں، جبکہ بھاری رقوم اپنے اکاؤنٹ سے دیگر اکاؤنٹس میں منتقل کیں۔

مزید تفتیش و جانچ کے لیے کیس کو انویسٹیگیشن پولیس کے حوالے کر دیا گیا ہے، جبکہ ملزم کے بینک اکاؤنٹس اور جائیداد کی مزید تفصیلات حاصل کی جا رہی ہیں۔ ایس ایس پی ساؤتھ