دبئی ایئرپورٹ پر تھی جب احساس ہوادوسرے شوہر سے محبت کرتی ہوں: شاہین خان

پاکستانی معروف سینئر اداکارہ شاہین خان نے دوسرے شوہر سے اظہارِ محبت کا دلچسپ قصہ سنا دیا۔

انہوں نے بتایا کہ دوسرے شوہر فرخ میری دوست کے بھائی ہیں، پہلی بار دوست کی شادی میں ملاقات ہوئی۔

حال ہی میں اداکارہ نے نجی ٹی وی چینل کے پروگرام میں بطور مہمان شرکت کی، جہاں انہوں نے مختلف امور پر اپنے خیالات کا اظہار کیا۔

انٹرویو کے دوران انہوں نے اپنی پہلی شادی ختم ہونے کا قصہ بھی سنایا اور انکشاف کیا کہ کم عمری میں ہی میری طلاق ہوگئی تھی، بیٹا ابھی ایک سال کا بھی نہیں تھا کہ اس کی تمام ذمہ داری مجھ پر آگئی تھیں۔

انہوں نے کہا کہ میں پہلے شوہر سے علیحدگی نہیں چاہتی تھیں، لیکن میری والدہ مجھے اپنے گھر واپس لے آئی تھیں، اس وقت بیٹا بہت چھوٹا تھا اور میں دل ہی دل میں دعائیں کرتی تھیں کہ شاید کوئی مجھے واپس بلالے، مگر ایسا کبھی نہیں ہوا۔

اداکارہ نے بتایا کہ بیٹے کے بہتر مستقبل کی خاطر مختلف ملازمتیں کی، اسی دوران ایئر ہوسٹس کی نوکری شروع کی اور جس بیچ کا میں حصہ تھیں، اس میں معروف اداکارائیں شگفتہ اعجاز اور رابعہ نورین بھی شامل تھیں۔

ایک سوال کا جواب دیتے ہوئے انہوں نے کہا کہ ایک دوست کی شادی میں فرخ سے ملاقات ہوئی، دوست کی شادی میں، ہم لوگ ’شادی کرادو میری‘ پر ڈانس کر رہے تھے اور اسی دوران میں نے مذاق میں کہہ دیا ’دوسری‘، بس وہیں سے سلسلہ شروع ہوگیا۔

انہوں نے بتایا کہ لیکن اس وقت ہم دونوں میں سے کسی نے ایک دوسرے سے اپنے جذبات کا اظہار نہیں کیا تھا، اسی دوران میں نے اپنا تبادلہ لندن کروالیا تھا، لندن جانے کے لیے دبئی ایئرپورٹ پر بیٹھی ہوئی تھیں کہ مجھے احساس ہوا کہ میں فرخ سے محبت کرتی ہوں تو فوراً فون کال ملا کر ان سے اپنی محبت کا اظہار کیا۔

شاہین خان نے کہا کہ اس کے بعد ان کے شوہر نے ان کے لیے قدم اٹھایا اور دونوں کا نکاح ہوگیا۔