THE PUBLIC POST
کراچی کے علاقے گڈاپ ٹاؤن میں ٹرک پر لدی ڈھائی کروڑ روپے مالیت کی 74 موٹر سائیکلیں جل گئیں۔
اس حوالے سے پولیس کا کہنا ہے کہ گڈاپ کے قریب موٹر سائیکلوں کے ٹرک میں آگ شارٹ سرکٹ کے باعث لگی، جس میں کوئی جانی نقصان نہیں ہوا۔
پولیس نے بتایا ہے کہ آگ بجھانے کی کوشش کرتے ہوئے ٹرک ڈرائیور بھی معمولی زخمی ہوا۔
پولیس کے مطابق ایک فائر ٹینڈر نے موقع پر پہنچ کر آگ پر قابو پایا۔
موٹر سائیکلوں سے لدا یہ ٹرک کراچی سے ملتان جا رہا تھا۔
