نیند نہیں آتی؟ کیلا چائے پیجئے، فوائد جان کر حیران رہ جائیں گے

نیند کے بہتر معیار کے لیے کیلا چائے کا متبادل

ماہرین صحت کے مطابق رات کو پرسکون نیند نہ آنا اب ایک عام مسئلہ بن چکا ہے، جس سے نجات کے لیے لوگ مختلف طریقے آزماتے ہیں۔

ایسی صورتحال میں ایک سادہ گھریلو مشروب، کیلا چائے، نیند کے معیار کو بہتر بنانے میں مددگار ثابت ہو سکتی ہے۔ کیلا چائے بنیادی طور پر کیلے کو پانی میں اُبال کر تیار کی جاتی ہے اور اس میں ہلکی سی مٹھاس بھی شامل ہوتی ہے۔

ماہرین کا کہنا ہے کہ کیلے میں موجود ٹرپٹوفین، میگنیشیم اور پوٹاشیم جیسے عناصر ذہنی سکون اور بہتر نیند میں معاون ہو سکتے ہیں، اور یہی غذائی اجزاء کیلا چائے میں بھی شامل رہتے ہیں۔

اگرچہ کیلا چائے پر براہِ راست سائنسی تحقیق محدود ہے، ماہرین کے مطابق سونے سے پہلے کیفین سے پاک گرم مشروبات کا استعمال جسم کو آرام دینے اور نیند کی تیاری میں مددگار ہوتا ہے، جس کی وجہ سے کیلا چائے کو ایک مؤثر گھریلو متبادل کے طور پر دیکھا جا رہا ہے۔

---