کراچی میں آج سے منگل تک گرمی میں اضافے کا امکان,درجہ حرارت 39 ڈگری سینٹی گریڈ تک جا سکتا ہے

محکمہ موسمیات کے مطابق کراچی میں آج سے منگل تک درجہ حرارت میں نمایاں اضافے کا امکان ہے۔ اس دوران شہر کے مختلف علاقوں میں زیادہ سے زیادہ درجہ حرارت 37 سے 39 ڈگری سینٹی گریڈ تک پہنچ سکتا ہے۔

ماہرین کے مطابق ہوا میں نمی کے تناسب میں کمی کے باعث گرمی کی شدت زیادہ محسوس ہوگی، جس سے درجہ حرارت 38 سے 40 ڈگری سینٹی گریڈ تک محسوس کیا جا سکتا ہے۔

شہریوں کو ہدایت کی گئی ہے کہ وہ غیر ضروری طور پر دھوپ میں نکلنے سے گریز کریں، پانی کا زیادہ استعمال کریں اور خاص طور پر دوپہر کے اوقات میں احتیاطی تدابیر اختیار کریں تاکہ گرمی کے مضر اثرات سے محفوظ رہا جا سکے۔