THE PUBLIC POST
آسٹریلیا کے 18 سالہ اسپرنٹر گوٹ گوٹ نے 200 میٹر ریس میں غیر معمولی کارکردگی کا مظاہرہ کرتے ہوئے نئی تاریخ رقم کر دی اور کم عمری میں ہی یوسین بولٹ کا ریکارڈ پیچھے چھوڑ دیا۔
سڈنی میں منعقدہ قومی چیمپئن شپ کے دوران گوٹ گوٹ نے 19.67 سیکنڈ میں دوڑ مکمل کر کے انڈر 20 سطح پر عالمی ریکارڈ قائم کیا۔
یہ ان کے کیریئر کا پہلا موقع تھا جب انہوں نے 20 سیکنڈ کی حد کو باضابطہ طور پر عبور کیا، کیونکہ گزشتہ سال ان کا 19.84 سیکنڈ کا وقت ہوا کی مدد کے باعث تسلیم نہیں کیا گیا تھا۔
یہ شاندار کارکردگی نہ صرف رواں سال کا تیز ترین وقت ہے بلکہ اس نے یوسین بولٹ کے 2004 میں قائم کردہ 19.93 سیکنڈ کے ریکارڈ کو بھی پیچھے چھوڑ دیا، جو انہوں نے 17 برس کی عمر میں بنایا تھا۔
دلچسپ امر یہ ہے کہ یوسین بولٹ نوجوانی کے دور میں اس سے بہتر وقت حاصل نہیں کر سکے تھے۔
تاہم انڈر 20 سطح پر سب سے تیز وقت اب بھی ایریون نائٹن کے پاس ہے، جنہوں نے 19.49 سیکنڈ میں دوڑ مکمل کی تھی، لیکن گوٹ گوٹ نے 19.67 سیکنڈ کے ساتھ ایک نیا باضابطہ ریکارڈ اپنے نام کر لیا ہے۔
اپنی کامیابی پر اظہارِ خیال کرتے ہوئے گوٹ گوٹ نے کہا کہ وہ طویل عرصے سے اس لمحے کے منتظر تھے۔
