THE PUBLIC POST
راولپنڈی کے علاقے گنج منڈی میں ایک مدرسے کے معلم پر 13 سالہ طالب علم کے ساتھ مبینہ بدسلوکی کا الزام سامنے آیا ہے۔ پولیس نے واقعے کا مقدمہ درج کر کے ملزم کی گرفتاری کے لیے کارروائی شروع کر دی ہے۔
پولیس حکام کے مطابق بچے کے والد نے بیان دیا کہ ان کا بیٹا، جو ناولٹی سینما کے قریب واقع مدرسے میں زیر تعلیم اور گزشتہ چار ماہ سے وہیں مقیم تھا، اچانک گھر واپس آیا اور واقعے سے آگاہ کیا۔
مدعی کے مطابق بچے نے بتایا کہ معلم قاری شیر محمد نے اسے صبح کے وقت اپنے کمرے میں بلایا اور مبینہ طور پر نازیبا حرکت کا نشانہ بنایا۔
پولیس کا کہنا ہے کہ متاثرہ بچے کا طبی معائنہ مکمل کر لیا گیا ہے اور نامزد ملزم کی گرفتاری کے لیے چھاپے مارے جا رہے ہیں۔
