THE PUBLIC POST
محکمہ موسمیات نے ملک کے مختلف علاقوں میں تیز ہواؤں کے ساتھ بارش کی پیشگوئی کر دی۔
محکمہ موسمیات کے مطابق بلوچستان کے بیشتر اضلاع میں موسم خشک اور مطلع جزوی ابر آلود رہے گا، کوئٹہ، زیارت، چمن، پشین، قلعہ عبداللہ اور قلعہ سیف اللہ میں تیز ہواؤں اور گرج چمک کے ساتھ بارش کا امکان ہے۔
نوشکی، شیرانی، موسیٰ خیل، لورالائی، ہرنائی، ژوب اور بارکھان میں بھی تیز ہواؤں اور گرج چمک کے ساتھ بارش ہونے کی توقع ہے۔لاہور سمیت پنجاب کے مختلف شہروں میں آج رات تیز ہواؤں کے ساتھ بارش کا امکان ہے۔
گلگت بلتستان اور آزاد کشمیر کے بعض مقامات پر بھی بارش ہونے کا امکان ظاہر کیا گیا ہے۔ جہلم، گوجر خان منگلا، حافظ آباد منڈی بہاؤالدین میں تیز ہواؤں اور گرج چمک کے ساتھ بارش کی توقع ہے۔
گلگت بلتستان کے چند مقامات میں بھی تیز ہواؤں اور گرج چمک کے ساتھ بارش کا امکان ہے۔
