THE PUBLIC POST
بالی ووڈ کی نامور اداکارہ کاجول نے اپنے تین دہائیوں پر محیط کیریئر میں پہلی بار اسکرین پر بوسے کے منظر کی ادائیگی سے متعلق خاموشی توڑ دی ہے۔
متعدد کامیاب فلموں میں مرکزی کردار ادا کرنے والی کاجول نے اپنی او ٹی ٹی ڈیبیو سیریز دی ٹرائل: پیار، قانون، دھوکہ میں ایک ایسا قدم اٹھایا جس سے وہ ماضی میں اجتناب کرتی رہی تھیں۔
ایک انٹرویو کے دوران انہوں نے وضاحت کی کہ بوسے کا منظر شامل کرنے کا فیصلہ مکمل طور پر کردار کی ضرورت کے تحت کیا گیا۔ ان کے مطابق یہ منظر کہانی اور کردار کے جذباتی پہلو کو مؤثر انداز میں پیش کرنے کے لیے ناگزیر تھا۔
انہوں نے مزید بتایا کہ اس منظر کی عکسبندی سے قبل وہ کچھ حد تک تذبذب اور دباؤ کا شکار تھیں، تاہم اسے ایک پیشہ ورانہ ذمہ داری سمجھتے ہوئے مکمل کیا۔
سیریز میں یہ منظر انہوں نے اداکار جیشو سین گپتا کے ساتھ فلمایا۔
ڈرامے میں کاجول نے نوینیکا سین گپتا کا کردار نبھایا ہے، جو ایک گھریلو خاتون سے دوبارہ وکالت کے شعبے میں قدم رکھتی ہے۔
یہ سیریز ہدایتکار سپرن ورما کی تخلیق ہے۔
