THE PUBLIC POST
کراچی: شہر کے علاقے ابوالحسن اصفہانی روڈ پر ریڑھی لگانے والے دو افراد کے درمیان جھگڑا خون ریز واقعے میں تبدیل ہوگیا، جس کے نتیجے میں ایک 16 سالہ نوجوان جان کی بازی ہار گیا۔
میڈیا رپورٹس کے مطابق معمولی تلخ کلامی کے بعد ایک شخص نے مبینہ طور پر تیز دھار آلے سے نوجوان پر وار کیے اور موقع سے فرار ہوگیا۔ واقعے کے بعد علاقے میں خوف و ہراس پھیل گیا۔
شدید زخمی نوجوان کو قریبی دکانداروں نے فوری طور پر نجی اسپتال منتقل کیا، تاہم وہ زخموں کی تاب نہ لاتے ہوئے دم توڑ گیا۔
پولیس کے مطابق واقعے کی مختلف پہلوؤں سے تحقیقات جاری ہیں جبکہ ملزم کی گرفتاری کے لیے چھاپے مارے جا رہے ہیں۔ حکام کا کہنا ہے کہ جلد ملزم کو قانون کی گرفت میں لایا جائے گا۔
