THE PUBLIC POST
کراچی کے علاقے طارق روڈ پر خالد بن ولید روڈ کے قریب ایک ٹریول ایجنسی کے دفتر میں افسوسناک واقعہ پیش آیا جہاں مبینہ طور پر ایک چور نے خودکشی کرلی۔
پولیس کے مطابق ٹریول ایجنسی کے مالک نے سی سی ٹی وی کیمروں میں ایک چور کو دیکھ کر فوری طور پر مددگار 15 پر اطلاع دی تھی۔ اطلاع ملنے پر پولیس ٹیم موقع پر روانہ کی گئی۔
پولیس حکام کے مطابق جیسے ہی اہلکار موقع پر پہنچے تو چور نے واش روم کا دروازہ اندر سے لاک کر لیا اور اسی دوران خود کو گولی مار کر اپنی زندگی کا خاتمہ کر لیا۔
پولیس نے بتایا کہ خودکشی کرنے والے چور کی شناخت کا عمل جاری ہے جبکہ لاش کو ضابطے کی کارروائی کے لیے جناح اسپتال منتقل کر دیا گیا۔
