THE PUBLIC POST
متحدہ عرب امارات کے قونصل جنرل ڈاکٹر بخیت عتیق نے کراچی میں شدید گرمی کی لہر کے دوران کارکنوں کے تحفظ کے لیے خصوصی اقدامات کرنے کی ہدایت کردی۔
کراچی میں گرمی بڑھنے پر اماراتی قونصل جنرل نے کارکنان کے لیے خصوصی اقدامات کیے ہیں، ایک بیان میں انہوں نے کہا کہ دوپہر ساڑھے 12 بجے سے سہ پہر 3 بجے تک کام کو معطل رکھا جائے۔
کارکنوں کو سایہ دار آرام گاہیں، پینے کا صاف پانی سمیت سہولتیں فراہم کی جائیں تاکہ شدید گرمی کے اثرات سے ان کا تحفظ یقینی بنایا جا سکے۔
قونصل جنرل ڈاکٹر بخیت عتیق نے مزید کہا کہ شدید موسمی حالات کے دوران کارکنوں کا تحفظ انسانی اور اخلاقی ذمہ داری ہے۔
