’اگر افیئر ہے بھی تو یہ میرا ذاتی معاملہ ہے‘ گووندا کا دو ٹوک جواب

بالی ووڈ کے معروف اداکار گووندا ایک بار پھر اپنی ذاتی زندگی سے متعلق خبروں کے باعث توجہ کا مرکز بن گئے۔

اداکار نے ساتھی اداکارہ کومل رانی سوارنکر کے ساتھ تعلقات کی افواہوں پر پہلی بار کھل کر بات کی۔

بھارتی میڈیا کے مطابق گووندا نے کومل رانی کے ہمراہ لال باغ چہ راجا کے دورے کے بعد ہونے والی چہ مگوئیوں پر کہا کہ وہ دونوں کے درمیان تعلق کو پیشہ ورانہ نوعیت کا سمجھتے ہیں۔ وہ اپنی فلم ’روپا‘ کی کامیابی کے لیے دعا کرنے وہاں گئے تھے۔

گووندا کا کہنا تھا کہ اگر کوئی افیئر ہے بھی تو یہ کسی اور کا نہیں بلکہ ان کا ذاتی معاملہ ہے۔

دوسری جانب گووندا کی اہلیہ سنیتا آہوجا بھی حال ہی میں انسانوں کی بے وفائی پر طنزیہ بیان دے چکی ہیں۔