پہلگام حملے اور بے بنیاد بھارتی الزام تراشیوں کے بعد پاکستانی سوشل میڈیا پر طاقتور مہم، بھارتی اخبار نے بھی اعتراف کرلیا

اسلام آباد(پبلک پوسٹ)پہلگام حملے اور بے بنیاد بھارتی الزام تراشیوں کے بعد پاکستانی سوشل میڈیا پر طاقتور مہم کا بھارتی اخبار نے بھی اعتراف کرلیا۔

پاکستانی سوشل میڈیا سپیس کسی سے پیچھے نہیں،انڈیاٹوڈے نے اعتراف کیا کہ پاکستانی عوام، ڈیجیٹل میڈیا پر پہلگام حملے کے بعد حاوی نظر آئی ،انڈیا ٹوڈے کے مطابق پاکستانی صارفین نے مشترکہ طور پر بھارتی حکومت اورفوج کیخلاف پوسٹس شیئر کیں،سوشل میڈیا پوسٹس پر پہلگام حملے کو فالس فلیگ آپریشن قرار دینے کی کوششیں شامل ہیں،ہیش ٹیگ، مودی ایکسپوزڈ، انڈین فالس فلیگ، پلگرام ڈرامہ ایکسپوز تیزی سے مقبول ہو رہے ہیں۔

انڈیا ٹوڈے کے مطابق مہم پاکستانی عوام کی شدت، بھارت مخالف پروپیگنڈے کے مقصد کو ظاہر کرتی ہے،مقصد پہلگام حملے کو فالس فلیگ آپریشن بنا کر بھارتی حکومت و میڈیا کو بدنام کرنا تھا،ایک اور ویڈیو میں وزیراعظم مودی کو پاکستانی پولیس کے ہاتھوں گرفتار دکھایا گیا،

انڈیا ٹوڈے کے مطابق پاکستانی سوشل میڈیا پر مہم اتنی طاقتورتھی،45ہزار پوسٹوں نے مودی کو نشانہ بنایا، بھارتی فوج اور میڈیا پاکستانی عوام کی مہم کے نشانے پر تھا،پاکستانی صارفین نے پیغام اور ہیش ٹیگ کو وسیع پیمانے پر پھیلایا۔

ذرائع کاکہنا ہے کہ انڈیا ایمپٹی تھریٹس، حافظ ہمارا محافظ، پاکستان سٹرائیکس بیک سوشل میڈیا کی زینت بنے رہے،دفاعی ماہرین کاکہنا ہے کہ بھارتی پروپیگنڈےکیخلاف پاکستانی عوام نے متحد ہو کر جھوٹ کا مقابلہ کیا، پاکستانی عوام نے ڈیجیٹل میڈیا کا استعمال کرتے بھارتی پروپیگنڈے کو شکست دیدی،انڈیا ٹوڈے کا اعتراف پاکستانی عوام کا ملکی سالمیت پر متحدہ ہونے پر مہر ثبت کرتا ہے،افسوسناک امر ہے دفتر خارجہ کی پہلگام واقعہ پر مذمت پر بھی بھارت نے پروپیگنڈا کیا، پاکستانی عوام نے منفی پروپیگنڈے کا موثر، منہ توڑ جواب دے کر بھارتی میڈیا کو بے اثر کردیا۔۱