THE PUBLIC POST
نیو کراچی صنعتی ایریا میں بھتہ خوری کے واقعات میں اضافے کا انکشاف ہوا ہے، جہاں مٹھائی اور سگریٹ کی دکانوں کے مالکان کو بھتہ پرچیاں بھیجی گئی ہیں اور عدم ادائیگی پر سنگین نتائج کی دھمکیاں دی گئی ہیں۔
رپورٹ کے مطابق مٹھائی کی دکان کے مالک کو 17 مئی کو بھتہ خوروں کی جانب سے 10 لاکھ روپے کی پرچی موصول ہوئی، جبکہ سگریٹ کی دکان کے مالک سے 5 مئی کو 15 لاکھ روپے کا مطالبہ کیا گیا تھا۔ مجموعی طور پر 25 لاکھ روپے بھتہ طلب کیا گیا۔
متاثرہ دکانداروں نے 20 مئی کو پولیس کو واقعے سے آگاہ کیا۔ پولیس نے مقدمہ درج کر کے مزید تحقیقات شروع کر دی ہیں اور معاملہ اسپیشل انویسٹی گیشن یونٹ (ایس آئی یو) کے حوالے کر دیا گیا ہے۔
