THE PUBLIC POST
پرو ہاکی لیگ میں پاکستانی ٹیم کو بڑا دھچکا لگ گیا، کپتان عماد شکیل بٹ کو تاحال برطانیہ کا ویزہ نہیں مل سکا ہے۔
ذرائع کے مطابق عماد شکیل بٹ کے ویزا انکار کی وجہ تاحال سامنے نہیں آئی ہے، دوسری طرف ٹیم مینجمنٹ کے سینئر رکن کا ویزہ تاحال تاخیر کا شکار ہے۔
ذرائع کے مطابق کپتان عماد شکیل بٹ ٹیم کے ہمراہ انگلینڈ نہیں جاسکیں گے، ان کی جگہ ابو بکر کو کپتانی سونپے جانے کا امکان ہے۔
ذرائع کے مطابق پاکستانی ہاکی ٹیم نے دوسرے مرحلے کیلئے 21 جون کو بیلجیم سے انگلینڈ جانا ہے، عماد بٹ کے متبادل کا فیصلہ سلیشن کمیٹی جبکہ اعلان فیڈریشن کرے گا۔
پروہاکی لیگ کے دوسرے مرحلے میں پاکستان نے انگلینڈ اور بھارت کا مقابلہ کرنا ہے، ایونٹ کیلئے روانگی سے قبل انجری کے باعث حنان شاہد اور سفیان ٹیم سے باہر ہوگئے تھے۔
