کراچی: پٹاخوں کے گودام میں زور دار دھماکا، 27 افراد زخمی

راچی کے علاقے صدر میں ایم اے جناح روڈ پر پٹاخوں کے گودام میں زور دار دھماکے کے بعد آگ لگ گئی جس کے نتیجے میں 27 افراد زخمی ہوگئے۔

رپورٹ کے مطابق ایم اے جناح روڈ کے قریب پٹاخوں کے گودام میں آتشزدگی سے ایک رکشہ بھی متاثر ہوا، دھویں کے بادل دور سے بھی نظر آ رہے ہیں۔

اطلاع ملتے ہی کے ایم سی فائر بریگیڈ کے 5 فائر ٹینڈر، ایک اسنارکل اور ایک باؤزر روانہ کردیا گیا، جائے وقوع پر پولیس اور رینجرز کی نفری روانہ کردی گئی۔

https://cdn.iframe.ly/api/iframe?url=https%3A%2F%2Fcdn.jwplayer.com%2Fpreviews%2FW0ALmjPg-jBGrqoj9&key=73b4a3e6895a3640b0439dc45f68e4f8

حادثے کے بعد ایس ایس یو کمانڈوز جائے وقوعہ پر پہنچ گئے اور دیگر ریسکیو اداروں کے ساتھ ریلیف آپریشن میں مصروف ہوگئے، چھت پر محصور افراد کو بحفاظت نکالا جا رہا ہے۔

ایس ایس پی ساؤتھ نے بتایا کہ دھماکے کے بعد گودام میں آگ بھڑک اٹھی،  پٹاخوں کے گودام میں پہلے زور دار دھماکا ہوا۔

انہوں نے کہا کہ  پٹاخوں کے گودام میں دھماکے سے آس پاس موجود دکانوں اورعمارتوں کو شدید نقصان پہنچا۔

دھماکے سے کئی عمارتوں کے شیشے ٹوٹ گئے، دھماکے سے کئی عمارتوں کے شیشے ٹوٹ گئے،  کئی افراد عمارت کے شیشے لگنے سے زخمی ہوئے۔

ریسکیو حکام نے کہا کہ 27 افراد زخمی ہوئے، زخمی ہونے والے 13 افراد کو جناح اور 7 افراد کو سول اسپتال منتقل کیا گیا۔

https://cdn.iframe.ly/api/iframe?url=https%3A%2F%2Fcdn.jwplayer.com%2Fpreviews%2FM4OJfw9q-jBGrqoj9&key=73b4a3e6895a3640b0439dc45f68e4f8