جنگ ہو یا امن سعودی عرب نےپاکستان کا بھرپور ساتھ دیا ہے، محسن نقوی

وفاقی وزیر داخلہ محسن نقوی کی سعودی عرب کے سفیر نواف بن سعید احمد المالکی سے ملاقات ہوئی ہے۔

اس موقع پر محسن نقوی نے پاک بھارت کشیدگی میں سعودی عرب کی حکومت کے مؤثر کردار پر اظہارِ تشکر کیا۔

محسن نقوی نے کہا کہ جنگ ہو یا امن، سعودی عرب نے ہر موقع پر پاکستان کا بھرپور ساتھ دیا ہے، پاکستان اور سعودی عرب کے تعلقات ہر آزمائش پر پورے اترے ہیں۔

انہوں نے کہا کہ سعودی عرب جا کر بھیک مانگنے والے مافیا کے خلاف زیرو ٹالرنس کی پالیسی اپنائی ہے۔

ملاقات میں سعودی سفیر نے کہا کہ پاکستان ہمارا برادر دوست ملک ہے، سعودی عرب پاکستان کے ساتھ تعلقات کو انتہائی اہمیت دیتا ہے۔