لوئر دیر میں ٹریفک حادثہ، ایک جاں بحق 13 افراد زخمی

لوئر دیر میں پیش آئے ایک افسوسناک ٹریفک حادثے میں ایک شہری جاں بحق جبکہ 13 زخمی ہوگئے ہیں۔

تفصیلات کے مطابق لوئر دیر کے علاقے منڈہ ٹاکورہ میں پک اپ گاڑی حادثے کا شکار ہوگئی جس میں ایک شخص جاں بحق اور 13 افراد زخمی ہوگئے۔

زخمیوں کو ایمبولینسز کے ذریعے ابتدائی طبی امداد فراہم کرنے کیلئے قریبی اسپتال منتقل کیا گیا۔

ترجمان ریسکیو 1122 دیر لوئر کے مطابق ڈاکٹرز کی ہدایت پر شدید زخمیوں کو تیمرگرہ اسپتال منتقل کیا گیا۔