صنعتی شعبے کیلئے گیس کی فراہمی بند کرنے کا اعلان

سوئی سدرن گیس کمپنی نے کہا ہے کہ صنعتی شعبے کیلئے 24 گھنٹوں گیس کی ترسیل معطل رہے گی۔

ایس ایس جی سی کے مطابق اتوار کی صبح سے پیر 13 اپریل تک صبح 8 بجے تک گیس کی فراہمی بند کرنے کا اعلان کیا گیا ہے۔

اعلامیے میں کہا گیا کہ سسٹم میں گیس کی کمی کے سبب تمام شعبوں کو منصفانہ تقسیم کے پیش نظر فیصلہ کیا۔

دوسری جانب صنعتی حلقوں نے گیس بندش پر تشویش کا اظہار کرتے ہوئے کہا ہے کہ مسلسل بندش سے پیداواری عمل متاثر ہونے کا خدشہ ہے۔