THE PUBLIC POST
خیبر پختونخوا کے ضلع سوات کے علاقے سیدو شریف میں قائم منشیات بحالی مرکز میں زیرِ علاج ایک مریض مبینہ طور پر گلے میں پھندا ڈال کر جاں بحق ہو گیا۔
واقعے کے بعد مرکز میں ہنگامہ آرائی ہوئی، جس کے دوران متعدد مریض فرار ہونے کی اطلاعات ہیں۔
پولیس کے مطابق جاں بحق ہونے والا مریض بحرین کا رہائشی تھا، اور ابتدائی تحقیقات میں واقعہ خودکشی قرار دیا جا رہا ہے۔
حکام کا کہنا ہے کہ واقعے کے وقت مرکز میں صرف ایک سیکیورٹی گارڈ تعینات تھا۔ لاش کو پوسٹ مارٹم کے لیے اسپتال منتقل کر دیا گیا ہے جبکہ مختلف پہلوؤں سے تحقیقات جاری ہیں۔
