THE PUBLIC POST
کراچی کے قریب گڈانی کے ساحل پر سمندر میں نہاتے ہوئے دو نوجوان ڈوب گئے۔ واقعے کے بعد ریسکیو ٹیموں نے فوری طور پر کارروائی شروع کی اور ایک نوجوان کی لاش برآمد کرلی جبکہ دوسرے نوجوان کی تلاش تاحال جاری ہے۔
ریسکیو حکام کے مطابق برآمد ہونے والی لاش کو فوری طور پر سول اسپتال گڈانی منتقل کیا گیا جہاں اس کی شناخت 24 سالہ حماد کے نام سے ہوئی ہے۔
ابتدائی اطلاعات کے مطابق دونوں نوجوان سمندر میں نہانے کے دوران گہرے پانی کی طرف چلے گئے تھے جس کے باعث یہ افسوسناک واقعہ پیش آیا۔
ریسکیو ٹیمیں دوسرے نوجوان کی تلاش کے لیے آپریشن میں مصروف ہیں جبکہ علاقے میں واقعے کے بعد افسوس اور غم کی فضا پائی جا رہی ہے۔
