کراچی ،میٹرک سائنس گروپ کے نتائج کا اعلان آج شام پانچ بجے ہو گا

ثانوی تعلیمی بورڈ کراچی کے تحت دہم جماعت کے سالانہ امتحانات برائے سال 2026ء کے نتائج کا اعلان آج ہو گا۔

ثانوی تعلیمی بورڈ کراچی کے ناظم امتحانات احمد خان چھٹو کے مطابق دہم جماعت سائنس گروپ اور خصوصی بچوں کے سالانہ امتحانات برائے سال 2026ء کے نتائج کا اعلان آج (جمعے کی) شام 5:00 بجے ہو گا۔

ان کا کہنا ہے کہ نتائج کا اعلان بورڈ کے کانفرنس ہال کی پہلی منزل بلاک بی میں کیا جا ئے گا۔

تقریب میں سالانہ امتحانات میں پوزیشنز حاصل کرنے والے طلبہ و طالبات کے اعزاز میں کیش ایوارڈ اور اسناد تقسیم کی جائیں گی۔