THE PUBLIC POST
معروف ہالی ووڈ اداکارہ ڈکوٹا جانسن کے نئے لُک کو دیکھ کر مداحوں نے ان کے پلاسٹک سرجری کرانے سے متعلق بحث شروع کر دی۔
غیر ملکی میڈیا کے مطابق 36 سالہ اداکارہ کے چہرے میں تبدیلی دیکھنے کے بعد مداحوں کی جانب سے پلاسٹک سرجری کے بارے میں چہ مگوئیاں کی جا رہی ہیں۔
ڈکوٹا جانسن ان دنوں اپنی نئی فلم ’ویریٹیُ‘ (Verity) کی تشہیر کر رہی ہیں، جس میں اداکارہ این ہیتھ وے بھی شامل ہیں۔
مختلف تقریبات میں اداکارہ کی شرکت کے دوران مداحوں کی نظریں ان کے انداز اور چہرے پر مرکوز رہیں۔
میڈیا رپورٹس کے مطابق بہت سے لوگوں نے خاص طور پر اداکارہ کی آنکھوں پر توجہ دی اور کچھ مداحوں کا کہنا ہے کہ ان کی آنکھیں اب پہلے کی نسبت زیادہ بڑی اور کھلی ہوئی دکھائی دے رہی ہیں۔
اداکارہ کے حالیہ لُک پر مداحوں کی جانب سے ملا جلا ردِعمل سامنے آ رہا ہے جہاں صارفین ان کے نئے روپ کی تعریف اور تنقید دونوں ہی کر رہے ہیں۔
دوسری جانب اداکارہ یا ان کی ٹیم کی جانب سے ان تبصروں پر کوئی جواب سامنے نہیں آیا ہے۔
