دریائے چناب سے سیلابی ریلا سیالکوٹ، وزیرآباد اورچنیوٹ میں تباہی مچانے کے بعد جھنگ میں داخل ہوگیا۔

دریائے چناب سے سیلابی ریلا سیالکوٹ، وزیرآباد اور چنیوٹ میں تباہی مچانے کے بعد جھنگ میں داخل ہوگیا۔

سیلاب سے متاثرہ علاقوں میں کئی افراد محصور ہیں جنہیں ریسکیو کرنے کے لیے آپریشن جاری ہے۔ جھنگ میں 135 دیہات سیلابی پانی سے متاثر ہوئے ہیں۔ سرگودھا روڈ بھی 2 سے 3 فٹ سیلابی پانی میں ڈوب گئی ہے۔

آج شام تک 10 لاکھ کیوسک کا ریلا ملتان سے گزرے گا جبکہ گوجرانوالہ، چنیوٹ اور وزیرآباد میں بارش سے پانی اور بڑھ گیا جس سے کئی ایکڑ پر فصلیں تباہ ہوگئیں۔

ملتان میں سیلاب سے تحصیل شجاع آباد کی فصلوں میں پانی داخل ہوگیا جبکہ 140 دیہات پانی سے متاثر ہوئے ہیں۔

پنجاب میں سیلاب کے بعد موسلادھار بارش، مشکلات میں اضافہ

ادھر مظفرگڑھ میں دریائے چناب میں انتہائی اونچے درجے کے سیلاب کا خدشہ ہے جس سے ہزاروں ایکڑ پر موجود فش فارمز بھی زیرِ آب آنے کا امکان ہے۔ یہاں نقصان کے خطرے کے پیشِ نظر فش فارمرز مچھلی کے تالاب خالی کرنے لگے ہیں۔

علاوہ ازیں نارووال میں آدوکے جھال کے قریب نہر ایم آر لنک کا بند ٹوٹ گیا جس سے نہری پانی کھوکھر والی، چندر کے منگولے اور چیلے والی میں داخل ہوگیا۔