THE PUBLIC POST
وفاقی وزیرِ ریلوے حنیف عباسی نے اعلان کیا ہے کہ پاکستان سے ایران تک ریلوے ٹریک کے آغاز کی تیاریاں آخری مراحل میں ہیں۔
اپنے بیان میں حنیف عباسی نے واضح کیا کہ سرکلر ریلوے کا معاملہ سندھ حکومت کے دائرہ اختیار میں آتا ہے، تاہم ریلوے کے فعال ہونے کو ملکی ترقی کے لیے ناگزیر قرار دیا۔
انہوں نے مزید بتایا کہ مجوزہ ریلوے منصوبہ ایران تک محدود نہیں رہے گا بلکہ مستقبل میں اسے یورپ تک توسیع دی جائے گی۔
وفاقی وزیر کے مطابق روہڑی سے نوکھنڈی تک 900 کلومیٹر جبکہ نوکھنڈی سے تافتان تک 87 کلومیٹر طویل ریلوے ٹریک کی بحالی کا کام جاری ہے۔
