THE PUBLIC POST
کراچی کے علاقے شاہ لطیف ٹاؤن میں ڈکیتی کی مزاحمت پر فائرنگ کے نتیجے میں ایک نوجوان جاں بحق ہوگیا۔
تفصیلات کے مطابق جاں بحق ہونے والے نوجوان کی شناخت شاہزیب کے نام سے ہوئی ہے۔ مقتول کے بھائی کے مطابق شاہزیب گھر کا بڑا بیٹا تھا اور خاندان کچھ عرصہ قبل نواب شاہ سے کراچی منتقل ہوا تھا۔
اہلخانہ کا کہنا ہے کہ شاہزیب آج گھر سے پانی لینے کے لیے باہر نکلا تھا کہ اس دوران نامعلوم ڈکیتوں نے اسے نشانہ بنایا اور فائرنگ کر دی، جس کے نتیجے میں وہ موقع پر ہی جاں بحق ہوگیا۔ مقتول کی دو سال قبل شادی ہوئی تھی تاہم اس کی کوئی اولاد نہیں تھی۔
ادھر اعداد و شمار کے مطابق کراچی میں رواں سال ڈکیتی مزاحمت پر فائرنگ کے واقعات میں ہلاکتوں کی تعداد 35 تک پہنچ گئی ہے۔
