کراچی: پیپلز پارٹی رکنِ قومی اسمبلی قادر پٹیل کے دفتر پر فائرنگ، ملزمان فرار

کراچی کے علاقے کلفٹن بلاک 9 میں پیپلز پارٹی رکنِ قومی اسمبلی قادر پٹیل کے دفتر پر فائرنگ ہوئی ہے۔

اس حوالے سے پولیس حکام کا کہنا ہے کہ کار سوار ملزمان دفتر کے گیٹ پر فائرنگ کر کے فرار ہو گئے۔

حکام نے بتایا ہے کہ فائرنگ کے واقعے میں کوئی جانی نقصان نہیں ہوا، گولیاں دفتر کے دروازے پر ماری گئیں، واقعے کی تفتیش جاری ہے۔

پولیس کا کہنا ہے کہ جائے وقوع سے نائن ایم ایم پستول کے 5 خول ملے ہیں۔