THE PUBLIC POST
مظفرآباد(پبلک پوسٹ)آزاد جموں و کشمیر پبلک سروس کمیشن کی جانب سے جاری کردہ پریس یلیز میں کہا گیا ہے کہ مشاہدہ میں آیا ہے کہ سوشل میڈیا پر AJKPSC یا اس سے ملتے جلتے ناموں سے گروپ قائم کئے گئے ہیں جن کے ذریعے آئے روز ادارہ ہذا سے متعلق (شیڈول و دیگر معلومات) کی نسبت طرح طرح کی افواہوں کی تشہیر کی جاتی ہے جس وجہ سے اُمیدواران اور عوام الناس میں غلط فہمی اور اضطراب پیدا ہوتا ہے۔
آزاد جموں و کشمیر پبلک سروس کمیشن کا سوشل میڈیا پر کوئی Page یا Group نہ ہے، بدیں وجہ، امید واران اور عوام الناس کی اطلاع اور سہولت کے پیش نظرہدایات جاری کی جاتی ہیں کہ جملہ متذ کرہ گروپ فوری طور پر پبلک سروس کمیشن کے نام یا ملتے جلتے ناموں سے قائم گروپ ہاءکو از خود فوری طور پرختم کر دیں۔ بصورت دیگر، ادارہ تحت ضابطہ سائبر کرائم قوانین کے تحت کارروائی عمل میں لانے کا حق محفوظ رکھتا ہے۔
