THE PUBLIC POST
کراچی میں ایم ٹی خان روڈ کے قریب ایک مسافر بس کو حادثہ پیش آیا جس کے نتیجے میں بچوں سمیت متعدد افراد زخمی ہوگئے۔
ریسکیو حکام کے مطابق واقعے کی اطلاع ملتے ہی امدادی ٹیمیں فوری طور پر جائے وقوعہ پر پہنچ گئیں اور زخمیوں کو ابتدائی طبی امداد فراہم کی۔
ریسکیو ذرائع کا کہنا ہے کہ زخمیوں کو ایمبولینس کے ذریعے سول اسپتال کے ٹراما سینٹر منتقل کر دیا گیا ہے جہاں انہیں طبی سہولیات فراہم کی جا رہی ہیں۔
حادثے کی نوعیت اور وجوہات کے حوالے سے مزید معلومات حاصل کی جا رہی ہیں جبکہ حکام کی جانب سے تحقیقات کا آغاز کر دیا گیا ہے۔
