مانیٹری پالیسی کمیٹی اجلاس میں شرح سود سے متعلق آج اہم فیصلہ متوقع

کراچی: اسٹیٹ بینک آف پاکستان کی مانیٹری پالیسی کمیٹی کا اہم اجلاس آج منعقد ہوگا، جس میں آئندہ ڈیڑھ ماہ کے لیے شرح سود کا تعین کیا جائے گا۔

اجلاس میں ملک میں مہنگائی کی مجموعی صورتحال، معاشی اشاریوں اور مشرق وسطیٰ میں جاری کشیدگی کے ملکی معیشت پر ممکنہ اثرات کا تفصیلی جائزہ لیا جائے گا، جس کے بعد پالیسی ریٹ سے متعلق فیصلہ کیا جائے گا۔

اجلاس کے اختتام پر اسٹیٹ بینک کے گورنر پریس کانفرنس کے ذریعے مانیٹری پالیسی کا اعلامیہ جاری کریں گے اور شرح سود سے متعلق فیصلے کی تفصیلات سے آگاہ کریں گے۔

معاشی ماہرین کی نظریں آج کے اجلاس پر مرکوز ہیں، جہاں مہنگائی، زرمبادلہ کی صورتحال اور عالمی اقتصادی حالات کو مدنظر رکھتے ہوئے آئندہ مالیاتی حکمت عملی کا اعلان کیا جائے گا۔

Check Also

آئین میں صوبوں کی تشکیل کے لیے ریفرنڈم کی کوئی گنجائش نہیں، سابق اٹارنی جنرل آف پاکستان

اسلام آباد: سابق اٹارنی جنرل آف پاکستان اشتر اوصاف کا کہنا ہے کہ آئین میں …

Leave a Reply

Your email address will not be published. Required fields are marked *