’آپ کی جگہ جیل میں ہی ہے‘سپریم کورٹ راج پال یادیو پر برہم

بالی ووڈ کے معروف کامیڈی اداکار راج پال یادیو کو چیک باؤنس کیس میں عدالتی حکم کے باوجود رقم جمع نہ کرانے پر بھارتی سپریم کورٹ کی سخت برہمی کا سامنا کرنا پڑا۔

رپورٹس کے مطابق عدالت نے اداکار کو 2 کروڑ بھارتی روپے جمع کرانے کیلئے دو ہفتوں کی مہلت دی تھی، تاہم مقررہ وقت تک ادائیگی نہیں کی گئی۔

سماعت کے دوران راج پال یادیو کے وکیل نے شکایت کنندہ کے بارے میں کہا کہ ’وہ غریب نہیں ہیں‘، جس پر جسٹس جوئے مالیا باگچی نے سخت ردعمل دیتے ہوئے کہا، ’آپ کو معلوم ہونا چاہیے کب بولنا ہے، آپ کی جگہ جیل میں ہے۔‘

عدالت نے راج پال یادیو کو منگل تک رقم جمع کرانے کا حکم دیا ہے۔

واضح رہے کہ یہ معاملہ 2010 میں فلم کیلئے حاصل کی گئی 5 کروڑ روپے کی مالی معاونت اور بعد ازاں دیے گئے چیکس باؤنس ہونے سے متعلق ہے۔