لوگوں کو لگ رہا تھاہم غزہ میں امن کی کوششوں پر وقت ضائع کر رہے ہیں: امریکی صدرڈونلڈ ٹرمپ

امریکی صدر ڈونلڈ ٹرمپ کا کہنا ہے کہ یہ مشرق وسطی کے ایک نئے تاریخی دور کا آغاز ہے۔ لوگوں کو لگ رہا تھا ہم غزہ میں امن کی کوششوں پر وقت ضائع کر رہے ہیں۔

اسرائیلی پارلیمنٹ سے خطاب کرتے ہوئے انہوں نے کہا کہ غزہ میں توجہ اب تعمیر نو کی طرف ہونی چاہیے۔ اسرائیلی یرغمالیوں کی رہائی تاریخ ساز لمحہ ہے۔

ڈونلڈ ٹرمپ کا کہنا ہے کہ بندوقیں خاموش ہو رہی ہے، امن آرہا ہے، عرب اور مسلم ممالک نے یرغمالیوں کی رہائی کے لیے زور ڈالا ہے، اسرائیل نے وہ سب کچھ جیت لیا ہے جو طاقت کے بل پر جیتا جا سکتا تھا۔ وقت آگیا ہے کہ میدانِ جنگ میں دہشت گردوں کے خلاف کامیابیوں کو مشرقِ وسطیٰ کے لیے خوشحالی کے حتمی انعام میں تبدیل کیا جائے، اسٹیو وٹکوف نے امن معاہدے کے لیے بہت محنت کی۔

امریکی صدر نے کہا کہ ایران کے لیے بھی، دوستی اور تعاون کا ہاتھ ہمیشہ کھلا ہے، تمام مشکلات کے باوجود، ہم نے ناممکن کو ممکن بنا دیا، یرغمالیوں کو وطن واپس لے آئے ہیں، اسرائیلی یرغمالیوں کی رہائی تاریخ ساز لمحہ ہے، آج نئے مشرق وسطی کے لئے تاریخی صبح نو ثابت ہوئی۔

ڈونلڈ ٹرمپ نے مزید کہا کہ عرب اور مسلمان ممالک اس کامیابی میں برابر کے شراکت دار ہے، ہر چیز بہتری کی جانب بڑھ رہی ہے، مشرق وسطیٰ سنہرے دور میں داخل ہونے جا رہا ہے، آنے والی نسلیں اس تاریخی دن کو یاد رکھیں گی، یرغمالی واپس آ گئے ہیں، یہ کہنا بہت اچھا لگ رہا ہے، آخر کار نہ صرف اسرائیلیوں بلکہ فلسطینیوں کے لیے بھی طویل ڈراؤنا خواب بالآخر ختم ہوگیا، یہ اسرائیل اور مشرقِ وسطیٰ کے لیے ایک بہت ہی پُر جوش وقت ہے۔

امریکی صدر نے کہا کہ میری شخصیت دراصل جنگیں روکنے والے کی ہے، اسرائیلیوں اور فلسطینیوں کے لیے طویل اور تکلیف دہ خواب اب بالآخر ختم ہو گیا ہے، وہ انتشار پسند قوتیں جنہوں نے اس خطے کو پریشان کیے رکھا، مکمل طور پر شکست کھا چکی ہیں۔

واضح رہے کہ امریکی صدر ڈونلڈ ٹرمپ کا ایئر فورس ون طیارہ تل ابیب میں لینڈ ہوا، جہاں ان کا استقبال اسرائیلی وزیرِاعظم بنیامین نیتن یاہو نے کیا۔

اسرائیلی پارلیمنٹ پہنچنے پر اسرائیلی وزیرِ اعظم نیتن یاہو کے ہمراہ صحافیوں سے گفتگو کرتے ہوئے صدر ٹرمپ نے کہا تھا کہ یہ واقعی ایک شاندار دن ہے، یقین ہے حماس غیر مسلح ہونے کے منصوبے پر عمل کرے گی۔

یرغمالیوں کے بارے میں بات کرتے ہوئے صدر ٹرمپ کا کہنا تھا کہ ہم اِن کے لیے بہت خوش ہیں، وہ خوش ہوں گے اور ایک شاندار زندگی گزاریں گے۔