ملک میں سونے کی قیمت میں ایک بار پھر بڑا اضافہ

سونے کی قیمت میں آج پھر بڑا اضافہ ہو گیا ہے۔

گزشتہ روز سونا 2 ہزار 800 روپے تولہ مہنگا ہوا تھا، آج سونے کی فی تولہ قیمت میں 15 ہزار سے زائد کا اضافہ ہو گیا ہے۔

آج سونے کے فی تولہ نرخ میں 15 ہزار 300 روپے کا اضافہ ہوا ہے جس بعد نئی قیمت 4 لاکھ 94 ہزار 62 روپے تک پہنچ گئی ہے۔

اسی طرح 10 گرام سونے کی قیمت میں بھی 13 ہزار 117 روپے کا اضافہ ہوا ہے، جس کے بعد نئی قیمت 4 لاکھ 23 ہزار 578 روپے ہو گئی ہے۔

عالمی مارکیٹ میں سو نے کے نرخ میں 153 ڈالر کا بڑا اضافہ ہوا ہے جس کے بعد فی اونس سونا 4713 ڈالر ہو گیا ہے۔

چاندی 200 روپے فی تولہ مہنگی ہوئی ہے جس کے بعد نئی قیمت 7984 روپے کی سطح پر پہنچ گئی ہے۔