THE PUBLIC POST
نادر آباد میں مبینہ چوری کی واردات سے متعلق کی گئی 15 کال کا ڈراپ سین سامنے آ گیا، جہاں اطلاع دینے والا ہی واقعے کا مرکزی ملزم نکلا۔
پولیس کے مطابق ملزم شہباز نے 10 ہزار روپے کی مبینہ چوری کا جھوٹا ڈرامہ رچایا اور خود ہی ایمرجنسی کال کر کے واقعے کی اطلاع دی۔ ابتدائی تحقیقات میں انکشاف ہوا کہ ملزم کا کسی شخص کے ساتھ معمولی جھگڑا ہوا تھا، جس کے بعد اس نے مقدمہ درج کروانے کے لیے یہ منصوبہ بنایا۔
پولیس کا کہنا ہے کہ ملزم زیادہ دیر تک تفتیشی عمل میں حقائق چھپا نہ سکا اور دورانِ تفتیش اپنے جرم کا اعتراف کر لیا۔ جھوٹی اطلاع دینے پر ملزم کے خلاف مقدمہ درج کر لیا گیا ہے جبکہ مزید تحقیقات جاری ہیں۔
ایس پی کینٹ اختر نواز نے کامیاب کارروائی پر چوکی انچارج نادر آباد نقی علی اور پولیس ٹیم کو شاباش دیتے ہوئے ان کی کارکردگی کو سراہا۔
